A BIBLIOTECA DE BIBLI

Hoxe imos celebrar o Nadal na Biblioteca, a terceira hora a profe Erica vainos contar o conto do apalpador en sesións de 15 minutos a todos os ciclos. Na hora do recreo o alumnado de 2º a 6º de primaria cantarán os cantos de reis con que amenizarán as clases na nosa biblioteca. O equipo de normalización fixo unha escolla de páxinas para traballar e informarnos sobre o Apalpador. E tivemos a grandísima sorte de ter con nós o apalpador para despedir o primeiro trimestre, Veu á nosa biblioteca e conounos  a súa historia cun kamisibai,os nosos rapaces quedaron encantados coa súa visita.

Hoxe reunímonos por segunda vez no club de lectura de pais, estivemos aprendendo a utilizar programas para descargar e compartir os libros electrónicos. Sorte que temos a Juanjo que nos deu un marabilloso cursiño que todos aproveitamos. Creamos unha conta de correo para subir e compartir libros o que estea interesado que nos pida os contrasinais.

Os nen@s da clase de cinco anos, cantáronnos onte dous contos. O auditorio quedou encantado como podedes ver.

O xoves 4 de decembro  os nenos de cinco anos farán unha actuación na biblioteca. Esta é a súa presentación

O 20 de novembro celébrase os días dos dereitos dos nen@s neste enlace podes buscar ideas para celebralo. Busquemos que os nosos alumn@s saiban valorar e facer valer os seus dereitos. http://www.edu.xunta.es/centros/ceipmestremanuelgarcia/node/403 Este é o mural que fixeron os nenos de 5º de primaria en educación en valores.

Coa chegada da profe Ana Domínguez Senlle, a nova profe de música, comenzamos unha nova actividade, os "xoves musicais". Os alumnos preparan a súa actuación e encarganse tamén de preparar o cartel para a súa publicidade. Onte actuaron Anxo Aldea tocando a trompa  e a auxiliar de conversa Dayna Cleland coa tuba. Foi unha gozada poder disfrutar todos xuntos da música. Temos moita lista de espera xa que no noso pobo hai moita actividade musical, uns alumnos van ó conservatorio outros pertencen a bandas de música e outros a grupos de baile e música popular. http://photopeach.com/album/7v1ob2

Hoxe empezamos o  club de lectura de pais.  Pasamos unha tarde estupenda comentando os nosos libros favoritos. Acordamos que en principio non imos ler todos un mesmo libro, porque cada un de nós temos gustos diferentes e queremos disfrutar da lectura e namorarnos dos libros sin tempos nin obligacións. Valoramos positivamente este tempo de encontro ó redor dos libros, comentamos tamén de cine e dalgunha receita de cociña. Esperamos que ó longo do ano vaian incorporándose mais libroadictos.