A BIBLIOTECA DE BIBLI

Na zona do Baixo Miño temos a problemática da invasión da vespa Velutina. Imos intentar concienciar ó noso alumnado da importancia de controlar mediante trampas a esta especie invasora. Hoxe repartimos os trípticos da Xunta de Galicia para crear conciencia nas casas. Creamos un espacio de información e faremos talleres nos que a partir de obxectos de refugallo  fabricaremos trampas para que  os nenos as repartan por todo o concello.

Para celebrar o día do libro, hoxe no colexio fixemos un intercambio de libros. Os nenos que quixeron participar trouxeron un libro da casa e na hora de ler poideron cambialo por outro. Ó chegar o intercambio,  algún percatouse  que o traer  un libro para nenos mais pequenos , non había libros adecuados para os compañeiros do seu ciclo é un erro que aprendemos para a próxima.

O 8 de marzo celébrase o día da muller. Bibli amósanos libros nos que as mulleres son as protagonistas. Moito traballo temos aínda por diante para conseguir a igualdade entre as persoas. Na Radio Arrabal pregúntannos por qué se celebra precisamente este día.

Comenzamos o mes de marzo e Bibli recíbenos cunha escolma de libros de poesía. Acercádevos ó marabilloso mundo dos poemas.

Hoxe veu Paco Nogueiras a contarnos e cantarnos contos da Editorial Kalandraka. Como podedes ver pasámolo xenial. Ó entrar no cole atopámonos cun cartel que anunciaba a súa chegada. Contounos varios contos,  e como vedes estivemos moi atentos. Moitas gracias Paco, tes as portas sempre abertas para voltar ó noso cole.

Hoxe os nenos de terceiro viñeron a investigar á biblioteca. Tiñan este guión para empezar as pesquisas. Temos que recoñecer que non había silencio, pero non era necesario porque podedes ver a verdadeira CONCENTRACIÓN coa que fixeron este marabilloso  traballo en equipo. ÓNDE ESTÁ O ÍNDICE? SABES ÓNDE PODO BUSCAR CÓMO SE FORMAN OS PEIXES? TOMA, TOMA QUE VEN NESTE LIBRO...

Este mes de xaneiro recibimos unha maleta moi especial. Abrímola e atopamos moitísimos libros de teatro para poder ler e representar na nosa biblioteca. Bibli avisounos para que profes alumnado  pasemos un ratiño ollando os libros e a ver se alguén engancha e sorpréndenos cunha representación teatral.